პარტია „თავისუფალი საქართველოს" თანათავმჯდომარის გოგი წულაიას მდგომარეობა კვლავ სტაბილურად მძიმეა. ექიმების გადაწყვეტილებით, მას ჯერჯერობით ოპერაცია არ ჩაუტარდება და მედიკამენტოზურ მკურნალობაზე დარჩება.

კარდიოქირურგ ლევან ქარიზანაშვილის განცხადებით, პაციენტის სიცოცხლეს საფრთხე არ ემუქრება.

„დღეს შედგა კონსილიუმი. მის სიცოცხლეს საფრთხე არ ემუქრება, მაგრამ მწვავე ფაზაში ოპერაციისგან თავი შევიკავეთ. ერთ კვირაში გადაწყდება შემდგომი მკურნალობის ტაქტიკა, ქირურგიული ჩარევა იქნება აუცილებელი", - განაცხადა ლევან ქარიზანაშვილმა.