შუახევის მუნიციპალიტეტში კლინიკა „ევექსის" თანამშრომელს კორონავირუსი დაუდასტურდა. როგორც კლინიკაში განაცხადეს, პრევენციის მიზნით კვლევა კლინიკის ყველა თანამშრომელს ჩაუტარდა.

„დღეს გეგმური ტესტირების შედეგად დაუდასტურდა ჩვენს თანამშრომელს კორონავირუსი. ის გადაყვანილია კოვიდკლინიკაში. მიმდინარეობს კონტაქტების მოძიება.

კლინიკაში ჩატარდა დეზინფექცია. გაიტესტა ყველა თანამშრომელი და მათი ტესტების პასუხებს ველოდებით. ამჟამად არც თვითიზოლაციაში და არც კარანტინში არც ერთი თანამშრომელი არ იმყოფება. კლინიკა ჩვეულ რეჟიმში აგრძელებს მუშაობას",- აცხადებენ კლინიკაში.