ერთი ძალიან დიდი პარადოქსია, როცა გიგა ბოკერია ამბობს, რომ სააკაშვილი არის წარსული და თვითონ მომავალი. როცა ამბობს, რომ არავინ გაქცეულა და ამას ამბობ მაშინ, როცა თვითონ დარბაზიდან გარბის, - ამის შესახებ ფრაქცია "ქართული ოცნების" თავმჯდომარემ რატი იონათამიშვილმა პარლამენტში სიტყვით გამოსვლისას განაცხადა.

მისივე თქმით, როცა ადამიანები უპირატესობაზე საუბრობენ, ეს უპირატესობა საქმის კეთებისა და გადაწყვეტილებების მიღების ხარჯზე მოიპოვება.

"როგორც დღეს გაიქცნენ ამ დარბაზიდან, ისე გაუშვებს ქართველი ხალხი მათ უკვე ხვალ ქართული პოლიტიკიდან. დღეს ჩვენ აქ ინტერპელაციის წესით მოვისმინეთ, კომპასში დაკარგული პარტიის წევრების უარგუმენტო, არაკომპეტენტური კითხვები და ეკონომიკის მინისტრის კვალიფიციური, ინფორმაციული და ამომწურავი პასუხები. მე არ გამკვირვებია ის თუ რა დღეში ჰქონდათ ჩვენს ოპონენტებს ნერვები. იმიტომ რომ რეალურად, როცა ეს კითხვები გამოაგზავნეს, სანამ პასუხებს მიიღებთ და მიიღებდნენ მწარე და სამართლიან პასუხებს ქალი მინისტრისგან, მათ პასუხი გასცა ჯერ აშშ-ს სახელმწიფო დეპატამენტის ანგარიშმა საინვესტიციო კლიმატის შესახებ და შემდეგ ევროპარლამენტის ანგარიშმა", - განაცხადა რატი იონათამიშვილმა.