ჩხოროწყუს მუნიციპალიტეტში ქურდობის სამი ფაქტი მოხდა. ორი ქალაქის ცენტრში, ერთი კი ქვედა ჩხოროწყუში. ჩხოროწყუს ცენტრში მშვიდობის # 7-ში მდებარე სასურსათო მაღაზიის მეპატრონის ნოდარ ცირდავას თქმით, წუხელ დაახლოებით სამ საათზე მისი მაღაზიის კარები გატეხეს და სალაროდან 350-400 ლარის ოდენობის თანხა წაიღეს. მისივე ინფორმაციით, გამთენიისას ასევე გაიქურდა ჩხოროწყუს ცენტრში მდებარე აფთიაქი და ქვედა ჩხოროწყუში მდებარე ბენზინგასამართი სადგური.
შსს-ს ინფორმაციით, აღნიშნულ ფაქტებთან დაკავშირებით მიმდინარეობს გამოძიება.