ზუგდიდი-ანაკლიის გზის 3,4-კილომეტრიანი მონაკვეთის სრული რეაბილიტაცია იწყება

ზუგდიდის მუნიციპალიტეტში მასშტაბური ინფრასტრუქტურული სამუშაოები გრძელდება. როგორც „ინტერპრესნიუსს“ ზუგდიდის მერიიდან აცნობეს, ზუგდიდი-ანაკლიის გზის 3,4-კილომეტრიანი მონაკვეთის სრული რეაბილიტაცია იწყება.

როგორც ზუგდიდი მერმა გიორგი შენგელიამ განაცხადა, ტურიზმის განვითარებისთვის ერთ-ერთი უმნიშვნელოვანესი პირობაა საგზაო ინფრასტრქუტურის მოწყობა.

„ვიწყებთ შიდასახელმწიფოებრივი მნიშვნელობის ზუგდიდი-ანაკლიის საავტომობილო გზის რეაბილიტაციას. საავტომობილო გზის 3,4-კილომეტრიანი მონაკვეთი, რომელიც ავარიული იყო, პრობლემას უქმნიდა როგორც ადგილობრივებს, ისე ტურისტებსაც. ტურიზმის განვითარებისთვის ერთ-ერთი უმნიშვნელოვანესი პირობაა საგზაო ინფრასტრქუტურის მოწყობა. ეს არის უპრეცედენტო შემთხვევა, როცა ზუგდიდში ერთდროულად ამდენი გზა ეწყობა. დღეს დავიწყეთ ქალაქის 4 ცენტრალური ქუჩის რეაბილიტაცია. აქვე მინდა მივმართო მოქალაქეებს და ვთხოვო, სამუშოების გამო შექმნილ დისკომფორტს გაგებით მოეკიდონ“,-აღნიშნა გიორგი შენგელიამ.

უწყების ინფორმაციით, ზუგდიდი-ანაკლიის გზაზე, პროექტის ფარგლებში დაიგება ასფალტი, მოეწყობა სანიაღვრე არხები. გათვალისწინებულია მოსახლეობის ეზოებში შესასვლელების მიერთებების მოწყობა. ადგილზე მოეწყობა ავტობუსის გასაჩერებელი მოედნები და მგზავრების მოსაცდელები.

პარალელურად მიმდინარეობს წყალმომარაგებისა და წყალარინების სამუშაოების დროს დაზიანებული გზების რეაბილიტაცია. იწყება მერაბ კოსტავას 2-კილომეტრიანი მონაკვეთის სრული რეაბილიტაცია. ზუგდიდში წლის ბოლომდე 60 -მდე ქუჩა მოეწყობა. სამუშაოებს საავტომობილო გზების დეპარტამენტი ახორციელებს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა