ქუთაისის ერთ-ერთი სავაჭრო ცენტრის თანამშრომლებს კორონავირუსი დაუდგინდათ. არსებული ინფორმაციით, ისინი ე.წ. ოქროს ბირჟაზე მუშაობდნენ. ხუთი პირი კლინიკა “ბომონდშია” მოთავსებული. კლინიკაში კორონავირუსის დიაგნოზით სულ 66 პაციენტი გადის მკურნალობის კურსს.

პაციენტებს შორის 14 ბავშვი და 4 ორსულია. რამდენიმე მათგანს პნევმონია აღენიშნება, ხოლო მართვით სუნთქვაზე იმყოფება აჭარის ხანდაზმულთა პანსიონატიდან გადმოყვანილი ერთ-ერთი ხანდაზმული.