გაერო-ს ადამიანის უფლებათა საბჭომ რეზოლუცია მიიღო, რომელიც ბელარუსში სავარაუდო დარღვევების სწრაფ გამოძიებას ითვალისწინებს.

ბელარუსში, 9 აგვისტოს საპრეზიდენტო არჩევნების შემდეგ გამართული საპროტესტო აქციებისას დაფიქსირებული ადამიანების უფლებების დარღვევების, დაკავებებისა და წამების ფაქტებთან დაკავშირებით ჟენევაში გაერო-ს ადამიანის უფლებების საბჭოს საგანგებო სხდომა ჩატარდა.

euronews-ის ინფორმაციით, გაერო-ს ადამიანის უფლებათა საბჭოში ევროკავშირის მიერ წარმოდგენილ რეზოლუციას 23-მა ადამიანმა მისცა ხმა 2-ის წინააღმდეგ, 22-მა კი თავი შეიკავა. რეზოლუცია ადამიანის უფლებათა უმაღლეს კომისარს მოუწოდებს, ქვეყანაში არსებული სიტუაციით დაინტერესდეს და წლის ბოლოს აღნიშნულზე მოხსენება წარადგინოს.