ქედაში ცენტრალურ საავტომობილო გზაზე მეწყერი ჩამოწვა. როგორც ქედის მუნიციპალიტეტის მერმა ლევან გორგილაძემ "ინტერპრესნიუსს" განუცხადა, სოფელ ზვარესთან გზა გაწმენდილია, თუმცა ტრანსპორტი შეფერხებით გადაადგილდება.

“ადგილზე მძიმე ტექნიკა იმყოფება და გაწმენდით სამუშაოებს ახორციელებს. შევისწავლით იმ საცხოვრებელ სახლების მდგომარეობას, სადაც სტიქია განვითარდა",- განაცხადა ლევან გორგილაძემ.