რუსთავში, კორონავირუსით ინფიცირების ერთი ახალი შემთხვევა დაფიქსირდა. როგორც ,,ინტერპრესნიუსს" რუსთავის საზოგადოებრივი ჯანმრთელობისა და უსაფრთხო გარემოს უზრუნველყოფის ცენტრის ხელმძღვანელმა დავით ბეგაშვილმა განუცხადა, ლუგარის ლაბორატორიიდან ცოტა ხნის წინ კიდევ ერთი პირის ბიოლოგიური მასალის კვლევის შედეგი გახდა ცნობილი და მას კორონავირუსი დაუდასტურდა.
,,ჯამში, ბოლო 24 საათში რუსთავში სულ სამი დადასტურებული შემთხვევა გვაქვს, მათგან ერთის ინფიცირების წყარო ამ ეტაპზე უცნობია და მიმდინარეობს ეპიდკვლევა, ორი კი სხვა ინფიცირებულებთან კონტაქტებია და ისინი თვითიზოლაციაში იმყოფებოდნენ",- განაცხადა დავით ბეგაშვილმა.
მისივე ინფორმაციით, 29 აგვისტოდან დღემდე, რუსთავში კორონავირუსით ინფიცირების სულ 44 დადასტურებული შემთხვევაა, მათგან ერთი გამოჯანმრთელდა.
იხილეთ ვიდეო: რუსთავში კორონავირუსით ინფიცირების ერთი ახალი შემთხვევა დაფიქსირდა