ბათუმის ინფექციურ საავადმყოფოში კორონავირუსით ინფიცირებული მოზარდების რაოდენობა გაიზარდა. როგორც კლინიკაში განაცხადეს, ყველაზე პატარა 9 თვის ბავშვია. ექიმების ინფორმაციით, მათი ჯანმრთელობის მდგომარეობა სტაბილურია.

"კლინიკაში ამ ეტაპზე ირიცხება 53 კოვიდდადასტურებული პაციენტი. მათგან 30 ბავშვია, მცირეწლოვანიც და არასრულწლოვანიც. ყველაზე პატარა 9 თვისაა. გვყავს წლის და 2 თვის, 2 წლის და ა.შ. ყველა ბავშვის ჯანმრთელობის მდგომარეობა ამ ეტაპზე დამაკმაყოფილებელია. ორს აღენიშნება პნევმონია, მაგრამ მსუბუქი ფორმით. უტარდებათ სტანდარტული მკურნალობა. მძიმე პაციენტები არ გვყავს, დღეს გაეწერება ხუთი პაციენტი. რვა პაციენტს აღენიშნება პნევმონია. დღეს ერთი ოჯახი კოვიდკარანტინში გადადის. ერთი გადადის მკურნალობის გასაგრძელებლად სხვა დაწესებულებაში"- აცხადებს ინფექციური საავდმყოფოს დირექტორიციური აბულაძე.