ხელვაჩაურის მუნიციპალიტეტში დამეწყრილი ტერიტორიების გაწმენდითი სამუშაოები მიმდინარეობს.როგორც აჭარის საგზაო დეპარტამენტში განაცხადეს, სამუშაოების დასრულებამდე ხელვაჩაურში ქუთურეთი-მარადიდის მოსახლეობა შემოვლითი გზით შეძლებს გადაადგილებას.
"ხელვაჩაურის მუნიციპალიტეტში 16 ლოკაციიდან 13-ზე გაწმენდითი სამუშაოები დასრულებულია. დარჩენილია მხოლოდ 3 მიმართულება: სკურდიდი, შუშანეთის გზა და ქუთურეთი-მარადიდი. სამივე მიმართულებით მიმდინარეობს სამუშაო პროცესი. სამუშაო პროცესის დასრულებამდე ქუთურეთი-მარადიდის მოსახლეობა შემოვლითი გზით შეძლებს სარგებლობას. ამ დროისთვის ქედასა და შუახევის მუნიციპალიტეტში ყველა მიმართულებით დასრულებულია სამუშაოები, ტრანსპორტით მოძრაობა აღდგენილია",- აცხადებენ უწყებაში.