საქართველოში, კორონავირუსით ინფიცირების 196 ახალი შემთხვევიდან, ორი რუსთავში დაფიქსირდა. როგორც ,,ინტერპრესნიუსს" რუსთავის საზოგადოებრივი ჯანმრთელობის დაცვისა და უსაფრთხო გარემოს უზრუნველყოფის ცენტრის ხელმძღვანელმა დავით ბეგაშვილმა განუცხადა, ორივე ინფიცირებული, დადასტურებულ შემთხვევასთან კონტაქტია.
"რუსთავში, კორონავირუსით ინფიცირების ორი ახალი დადასტურებული შემთხვევა გვაქვს, ორივე გასულ დღეებში დადასტურებული შემთხვევასთან კონტაქტებია და თვითიზოლაციაში იმყოფებოდნენ",- განაცხადა დავით ბეგაშვილმა. მისივე ინფორმაციით,
29 აგვისტოდან დღემდე, რუსთვში კორონავირუსით ინფიცირების 46 დადასტურებული შემთხვევაა, მათგან ერთი გამოჯანმრთელდა.