ხელვაჩაურში მეწყრული პროცესების სალიკვიდაციო სამუშაოები მიმდინარეობს
აჭარაში, ხელვაჩაურში მეწყრული პროცესების სალიკვიდაციო სამუშაოები მიმდინარეობს.
როგორც აჭარის საგზაო დეპარტამენტში აცხადებენ, მაჭახელას ხეობაში სოფელ შუშანეთისა და ქუთურეთი-მარადიდის მიმართულებით უახლოეს პერიოდში გზის გაწმენდითი სამუშაოები დასრულდება და ორივე მიმართულებით გაიხსნება საავტომობილო მოძრაობა.
"ხელვაჩაურის მუნიციპალიტეტში 16 მიმართულებიდან 14 მიმართულება გაწმენდილია.
ამ ეტაპზე დარჩენილია მაჭახელას ხეობაში შუშანეთისა და ქუთურეთი-მარადიდის საავტომობილო გზა. სამუშაო პროცესი აქტიურად მიმდინარეობს და უახლოეს პერიოდში გაიხსნება ორივე მიმართულებით გზა.
სამუშაოების დასრულებამდე ქუთურეთი-მარადიდის მოსახლეობა შემოვლითი გზით შეძლებს სარგებლობას" , - განაცხადეს უწყებაში.
