აშშ-ის სამართალდამცავები იკვლევენ პრეზიდენტ დონალდ ტრამპის სახელზე გამოგზავნილ პაკეტს, რომელშიც მომწამვლელი ნივთიერება რიცინი აღმოჩნდა. ამის შესახებ „სი-ენ-ენი“ სამართალდამცავ ორგანოებში ორ წყაროზე დაყრდნობით იუწყება.

მედიასაშუალების ცნობით, რიცინის დასადგენად ორი ტესტი ჩატარდა. გამომძიებლები ვარაუდობენ, რომ პაკეტი კანადიდან არის გაგზავნილი.

კანადის საზოგადოებრივი უსაფრთხოების მინისტრის პრესმდივნის მერი-ლიზ ფაუერის განცხადებით, პაკეტის შესახებ საგანგაშო ინფორმაცია მათთვის ცნობილია და კანადელი სამართალადამცავები მჭიდროდ თანამშრომლობენ ამერიკელ კოლეგებთან. თუმცა, იმის გამო, რომ გამოძიება აქტიურად მიმდინარეობს, კომენტარისგან თავს იკავებენ.