განიხილავს თუ არა, ფეხბურთელ გიორგი შაქარაშვილის დამამძიმებელ გარემოებებში ჩადენილი მკვლელობის საქმეზე ბრალდებული 5 პირის საქმეს ნაფიც მსაჯულთა სასამართლო, დღეს, 21 სექტემბერს გახდება ცნობილი.
წინასასამართლო სხდომაზე, რომელიც მცხეთის რაიონულ სასამართლოში 17:00 საათზე გაიმართება, გაირკვევა, სრულწლოვანი ბრალდებულები აირჩევენ თუ არა ნაფიც მსაჯულთა სასამართლოს.
თუკი, ნაწილი აირჩევს, ნაწილი კი არა, მათი საქმე ცალკე წარმოებად გამოიყოფა.
ცნობისთვის, ფეხბურთელ გიორგი შაქარაშვილის მკვლელობის საქმეზე 5 პირი: ნიკოლოზ რევაზიშვილი, არჩილ გაგნიძე, ზ.ხ., ა.ქ. და ვახტანგ ჩიქოვანი არიან დაკავებული.