ზუგდიდის 2410 აბონენტს ელექტროენერგიის მიწოდება დროებით შეეზღუდება

20 -21 სექტემბერს ქალაქ ზუგდიდის 2410 აბონენტს ელექტროენერგიის მიწოდება დროებით შეეზღუდება. ამის შესახებ „ინტერპრესნიუსს“ საქართველოს სახელმწიფო ელექტროსისტემიდან აცნობეს.

მათივე ინფორმაციით, მენჯი-ზუგდიდის დამაკავშირებელ, 220 კვ-იან ელექტროგადამცემ ხაზზე „კოლხიდა-2" მიმდინარე სარეაბილიტაციო სამუშაოების გამო, 17, 18 და 19 სექტემბერს12:30 -დან 18:00 საათამდე, ხოლო 20, 21 სექტემბერს - 10:00-დან 18:00 საათამდე, ელექტროენერგიის მიწოდება შეეზღუდება ქ. ზუგდიდის აბონენტების ნაწილს. ჯამში 2410 აბონენტს.

„საქართველოს სახელმწიფო ელექტროსისტემა" ბოდიშს უხდის მომხმარებლებს აღნიშნული შეფერხების გამო.