კორონავირუსით ინფიცირების 193 ახალი შემთხვევიდან ერთი სენაკში გამოვლინდა. ინფიცირებული ასაკოვანი ქალია და იგი სოფელ თეკლათის მცხოვრებია. საზოგადოებრი ჯანდაცვის ადგილობრივი ცენტრის ინფორმაციით, მიმდინარეობს ეპიდემიოლოგიური კვლევები.

„დღეს გვაქვს კორონავირუსის ერთი შემთხვევა, ინფიცირებული ასაკოვანი ქალია. მას გადაიყვანენ შესაბამის კლინიკაში. ჯერჯერობით არ ვიცით ინფიცირების წყარო. მიმდინარეობს ეპიდემიოლოგიური კვლევა“, - განუცხადა „ინტერპრესნიუსს“ საზოგადოებრივი ჯანდაცვის სენაკის ცენტრის უფროსმა, ანა ჭიჭაღუამ.

ამასთან, მისივე თქმით, ტესტირება ჩაუტარდა იმ საჯარო სკოლის ყველა მოსწავლესა და პედაგოგს, სადაც „კოვიდ 19“- ის სამი შემთხვევა დაფიქსირდა და არცერთ მათგანს ინფექცია არ დაუდგინდა.