საქართველოში, კორონავირუსით ინფიცირების 193 ახალი შემთხვევიდან სამი ფოთში გამოვლინდა. ინფიცირებულები ერთი ოჯახის წევრები არიან. საზოგადოებრივი ჯანდაცვის ადგილობრივი ცენტრის ინფორმაციით, ყველა მათგანს შესაბამის კლინიკაში გადაიყვანენ.
„დღეს ჩვენთან სამი შემთხვევა გამოვლინდა, სამივე ერთი ოჯახის წევრია. ქალბატონები 39 და 19 წლის, მამაკაცი 45 წლის. მათი ინფიცირების წყარო სავარაუდოდ, ბათუმს უკავშირდება. მიმდინარეობს კონტაქტების მოკვლევა“, - განაცხადა საზოგადოებრივი ჯანდაცვის ფოთის ცენტრის საზოგადოებასთან ურთიერთობის სამსახურის მენეჯერმა, ნინო ლეფსაიამ.
ამ დროისთვის ფოთში, კორონავირუსის 13 შემთხვევაა გამოვლენილი.