აჭარის ჯანდაცვის მინისტრი - აჭარაში ეპიდემიოლოგიური სიტუაცია დაძაბულია, თუმცა კონტროლს ექვემდებარება

აჭარის ჯანდაცვის მინისტრის, ნინო ნიჟარაძის განცხადებით, აჭარაში ეპიდემიოლოგიური სიტუაცია დაძაბულია, თუმცა კონტროლს ექვემდებარება.

როგორც მინისტრმა აჭარის მთავრობის სახლში გამართულ ბრიფინგზე განაცხადა, აჭარაში ინფიცირებული პირები უკვე დადასტურებულ შემთხვევებთან კონტაქტში მყოფები არიან.

მისი თქმით, კორონავირუსზე აღებულ ნიმუშებს დამატებით თბილისის ლაბორატორიაში იკვლევენ, რათა პასუხების დაგვიანება არ მოხდეს.

"ეპიდემიოლოგიური სიტუაცია დაძაბულია, თუმცა კონტროლს ექვემდებარება. ჩვენ 24- საათიან რეჟიმში სხვა უწყებებთან ერთად ვმუშაობთ და განვიხილავთ კონკრეტულ შემთხვევას და მყისიერი რეაგირება გვაქვს.

კლასტერი რამდენიმეა - კონკრეტულ ჩამონათვალს ვერ გავაკეთებ.

ტესტირების არეალი გავშალეთ, ამით ძალიან ბევრმა მოქალაქემ უკვე ისარგებლა. მოსახლეობას მივმართავ, ნიმუშის აღებიდან ტესტის პასუხამდე მათ აქვთ იზოლაციის ვალდებულება. ნებისმიერი პირი, ვინც კონტაქტირებული პირია, 12-დღიანი იზოლაციის წესს უნდა იცავდეს“, - აცხადებს ნიჟარაძე.

აჭარის ჯანდაცვის მინისტრმა სამედიცინო სფეროს წარმომადგენლების დაინფიცირებაზეც გაამახვილა ყურადღება. როგორც მინისტრმა განაცხადა, ყველა კლინიკას მკაცრი ვალდებულება აქვს, რომ წესები დაიცვან.

"ყველა კლინიკაში მკაცრი ვალდებულებაა, რომ წესები უნდა იყოს დაცული. სიტუაციას მაქსიმალურად ვაკონტროლებთ. სამედიცინო სფეროში გვყავს დაინფიცირებული პირები, მაგრამ სამედიცინო პირი, რომელიც ეკიპირებულია, არ ითვლება ახლო კონტაქტად“, - აღნიშნა მან.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით