ბათუმის საოჯახო მედიცინის რეგიონულ ცენტრში კორონავირუსი ოთხ თანამშრომელს დაუდასტურდა

ბათუმის საოჯახო მედიცინის რეგიონულ ცენტრში კორონავირუსი ოთხ თანამშრომელს დაუდასტურდა, - აღნიშნული ინფორმაცია თავად კლინიკის ადმინისტრაციაში დაადასტურეს.

როგორც ადმინისტრაციაში განაცხადეს, ინფიცირებულთა შორის კლინიკის დირექტორია.

როგორც კლინიკის გენერალური დირექტორი ბექა იოსელიანი აცხადებს, ინფიცირების წყარო ცნობილია, თანამშრომლები სავარაუდოდ, პაციენტებისგან დაინფიცირდნენ.

„ყველაზე მნიშვნელოვანი ინფორმაცია არის ის, რომ ჩვენ ყოველ 24 საათში უკლებლივ ყველა თანამშრომელს ვუტარებთ „პისიარ“ ტესტირებას. მხოლოდ უარყოფითი პასუხის შემთხვევაში გადიან ისინი სამუშაოდ. აქედან გამომდინარე, დადასტურებულ შემთხვევებს არანაირი შემხებლობა არ ჰქონიათ პაციენტებთან. ოთხივე თანამშრომელი თავს გრძნობს კარგად. დაავადება მიმდინარეობს უსიმპტომოდ. ინფიცირების წყარო ცნობილია. იზოლაციაში იმყოფება დაახლოებით ათამდე ადამიანი, რომლებსაც ჰქონდათ მჭიდრო კონტაქტი ინფიცირებულებთან. იზოლაციაში მყოფებს ორჯერ ჩაუტარდათ „პისიარ“ ტესტირება და ორივე კვლევის შედეგი უარყოფითია. სავარაუდოდ, პაციენტებისგან დაინფიცირდნენ.

კლინიკა აგრძელებს ჩვეულ რეჟიმში მუშაობას. ყოველდღიურად მიმდინარეობს ყველა თანამშრომელის ტესტირება, რათა თავიდან ავიცილოთ ინფექციის გავრცელება"- განაცხადა ბექა იოსელიანმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს