დავით ბაქრაძე - პირადად ვაგებთ პასუხს ყველა იმ ვალდებულებაზე, რასაც ხალხის წინაშე ვიღებთ, მას პოლიტიკური ვალდებულებითი ძალა ექნება

"ევროპული საქართველოს" ლიდერის დავით ბაქრაძის განცხადებით, მოქალაქეების წინაშე ვალდებულებას იღებენ, რომ წინასაარჩევნოდ გაცემულ ყველა დაპირებას შეასრულებენ. როგორც მან დღეს გამართულ ბრიფინგზე აღნიშნა, ამ მიზნით მათ დღეიდან ხალხში ე.წ. ვალდებულებათა ბარათის დარიგება დაიწყეს.

"ქვეყანა შესულია ძალიან მძიმე სოციალურ-ეკონომიკურ კრიზისში და ამ კრიზისიდან გამოყვანას სჭირდება გარდამტეხი ცვლილებები, კონკრეტული გეგმა, თუ რა უნდა გაკეთდეს მომავლისთვის. ასეთი გეგმა გააჩნია "ევროპულ საქართველოს". ჩვენთვის ეს არ არის დაპირება, რადგან სიტყვა "დაპირებამ" ფასი აბსოლუტურად დაკარგა. ჩვენ ვიღებთ ვალდებულებას საქართველოს მოსახლეობის წინაშე და ამ ვალდებულებაზე თითოეული ჩვენთაგანი ვაგებთ პასუხს. ეს ვალდებულებაა ის, რომ გადასახადებს შევამცირებთ და მათი შემცირების შემდეგ, ყოველწლიურად შევქმნით ქვეყანაში 100 ათას სამუშაო ადგილს, გავაორმაგებთ სოციალურ დახმარებას",-განაცხადა ბაქრაძემ.

მან გამარჯვების შემთხვევაში, პარტიის მიერ დაგეგმილ რეფორმებზე ისაუბრა. ბაქრაძის თქმით, დღეიდან ისინი, ასევე პარტიის ახალგაზრდული ფრთის წარმომადგენლები მოსახლეობას ვალდებულებათა ბარათებს დაურიგებენ.

"გვექნება ორი დოკუმენტი, ერთი არის ვალდებულებათა ბარათი, სადაც მოკლედ არის გაწერილი ყველა ის ვალდებულება, რასაც ვიღებთ. მეორე იქნება ხელშეკრულება ხალხთან, რომელზეც იქნება პარტიის ლიდერების ხელმოწერა. ეს ნიშნავს იმას, რომ ჩვენ პირადად ვაგებთ პასუხს ყველა იმ ვალდებულებაზე, რასაც ხალხის წინაშე ვიღებთ. მას ექნება პოლიტიკური ვალდებულებითი ძალა და ეს არ იქნება ჰაერში გასროლილი დაპირება",-განაცხადა ბაქრაძემ.

იხილეთ ვიდეო:"ევროპულმა საქართველომ" დღეიდან ხალხში ე.წ. ვალდებულებათა ბარათის დარიგება დაიწყო

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება