შუახევის მუნიციპალიტეტის მერიის ოთხ თანამშრომელს კორონავირუსი დაუდასტურდა. როგორ მერიაში აცხადებენ, ინფიცირების წყარო ცნობილია, მათ დაავადებულთან კონტაქტი ჰქონდათ.

უწყების ცნობით, ინფიცირებულებთან კონტაქტში მყოფი პირები თვითიზოლაციაში არიან გადასული.

"დაავადებათა კონტროლის ეროვნული ცენტრის რეკომენდაციის თანახმად, ყველა პირი, ვისაც ჰქონდა ინფიცირებულებთან კონტაქტი, გადავიდა თვითიზოლაციაში და ჩაუტარდა ტესტირება.

სპეციალური სადეზინფექციო საშუალებებით დამუშავდება მუნიციპალიტეტის თვითმმართველობის შენობა და სამუშაო სივრცეები. შენობაში შესვლისას ყველა პირი გადის თერმოკონტროლს. დაწესებულია მონიტორინგი პირბადის გამოყენებაზე.

შუახევის მერია განაგრძობს მუშაობას ჯანმრთელობის მსოფლიო ორგანიზაციის და დაავადებათა კონტროლის ეროვნული ცენტრის რეკომენდაციების შესაბამისად",- აცხადებენ უწყებაში.