ბათუმის ინფექციურ საავადმყოფოში კორონავირუსით ინფიცირებული ბავშვების რაოდენობა 33-მდე გაიზარდა.
როგორც კლინიკის დირექტორი ციური აბულაძე „ინტერპრესნიუსთან" საუბრისას აცხადებს, მათი ჯანმრთელობის მდგომარეობა დამაკმაყოფილებელია.
მისივე თქმით, საერთო ჯამში კლინიკაში 59 კოვიდინფიცირებული პაციენტი მკურნალობს.
„ჩვენი ცენტრი სრულად დატვირთულია, 59 პაციენტი გვყავს, 33 ბავშვია. ყველა პაციენტის მდგომარეობა დამაკმაყოფილებელია.
მძიმე პაციენტი არ გვყავს, დღეისათვის ხუთი ბავშვის და ოთხი უფროსის საკარანტინო ზონაში გადაყვანას ვგეგმავთ“, - აცხადებს ციური აბულაძე.