ახალგაზრდობის სააგენტოს სამწლიანი რეფორმის, მუნიციპალური ახალგაზრდული პოლიტიკის ფარგლებში, დღეს სააგენტოს ხელმძღვანელი რეზო ჩარკვიანი, მიმართულების ექსპერტებთან ერთად, საპილოტე მუნიციპალიტეტის მერებს, მათ მოადგილეებსა და პრორგამის მონაწილე– მუნიციპალიტეტის ახალგაზრდული სამსახურების წარმომადგენლებს შეხვდა. ამის შესახებ ინფორმაციას ახალგაზრდობის სააგენტო ავრცელებს.

მათივე ინფორმაციით, შეხვედრის მიზანია საპილოტე მუნიციპალიტეტებთან მიმდინარე პროგრამის შუალედური შეფასება, ასევე გავლილი ეტაპების საფუძველზე და ქვეყანაში შექმნილი ვითარების გათვალისწინებით უახლოესი გეგმების განხილვა

„შეგახსენებთ, მუნიციპალური ახალგაზრდული პოლიკის განვითარება, ადგილზე ახალგაზრდული სფეროს ეკოსისტემის შექმნას ემსახურება. ამ ეტაპზე, 11–ვე საპილოტე მუნიციპლიტეტში უკვე ჩატარდა ახალგაზრდების საჭირობების კვლევა, რაზე დაფუძნებითაც მუნიციპალური ახალგაზრდული პოლიტიკის დოკუმენტები და სამოქმედო გეგმები შემუშავდება. ამ პროცესში, მუნიციპალიტეტების მხრიდან, კოორდინაციისა და აღსრულების ნაწილში, შესაბამისი ადამიანური რესურსია ჩართული,” - ნათქვამია ინფორმაციაში.