თენგიზ ცერცვაძე - საქართველო დააკვირდება კორონავირუსისგან გამოჯანმრთელებულებს, ხომ არ დაუტოვა ვირუსმა მათ დაზიანება სხვადასხვა ორგანოში

ინფექციური პათოლოგიისა და შიდსის ცენტრის გენერალური დირექტორის, თენგიზ ცერცვაძის განცხადებით, საქართველოში კორონავირუსისგან გამოჯანმრთელებულ ადამიანებს დააკვირდებიან იმის დასადგენად, დარჩათ თუ არა მათ რაიმე პრობლემა კოვიდინფექციის გადატანის შემდეგ.

როგორც ცერცვაძემ „პალიტრანიუსის“ გადაცემა „დღის ნიუსრუმში“ განაცხადა, მსოფლიოში არის კვლევები, რომლებმაც „თითქოს აჩვენებს“, რომ დაავადების გადატანიდან 3-6 თვის შემდეგ მთელ რიგ ორგანოებში, პირველ რიგში კი ფილტვებში, სისხლძარვებში გულში, თავის ტვინში დარჩა სერიოზული დაზიანებები.

„ჩვენთან ჯერჯერობით ასეთი მოვლენებით და პოსტკოვიდური გართულებებით არავის მოუმართავს, მაგრამ ჯერ ადრეა. სულ 7 თვეა, რაც პირველი შემთხვევა დადასტურდა.

ჩვენ შევიმუშავეთ წინადადებები, რომ ქვეყანა დააკვირდეს კორონავირუსისგან გამოჯანმრთელებულებს. კორონავირუსისგან განკურნებისგან 3, 6 თვის, 1 წლის შემდეგ გამოვიძახოთ პაციენტები და შევამოწმოთ, დარჩათ რაიმე დაზიანებები ორგანოებში, თუ არ დარჩათ. ჯეჯერობით ასეთებს არ მოუმართავთ“, - განაცხადა თენგიზ ცერცვაძემ.

რაც შეეხება იმას, სანამდე მოგვიწევს კორონავირუსთან ერთად ცხოვრება, ცერცვაძის თქმით, პანდემია, შესაძლოა, შემდეგ წელს, ზაფხულში „თავისით დასრულდეს“, თუმცა იქვე ვარაუდობს, რომ მსოფლიო მედიცინა ამას არ დაელოდება და იქამდე ვაქცინას შექმნის.

„კორონავირუსის პანდემია ადრე თუ გვიან შეიძლება დასრულდეს თავისით. ეს როდის მოხდება არ ვიცით. ეს იქნება დაახლოებით, შემდეგი წლის ზაფხულში., თუმცა მე მგონი, მეცნიერება არ მოიცდის და პანდემია ვაქცნის შექმნისთანავე დასრულდება“, - განაცხადა თენგიზ ცერცვაძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით