საქართველოში, ბოლო 24 საათში კორონავირუსით ინფიცირების ახალი დადასტურებული შემთხვევებიდან, 3 რუსთავშიდაფიქსირდა.
როგორც "ინტერპრესნიუსს" რუსთავის საზოგადოებრივი ჯანმრთელობისა და უსაფრთხო გარემოს უზრუნველყოფის ცენტრში განუცხადეს, მათგან, ერთი ინფიცირებულ პირთან კონტაქტია, 2 შემთხვევა კი საქართველოს საზღვრებს გარეთ მოგზაურობას უკავშირდება.
ცენტრის ხელმძღვანელის დავით ბეგაშვილის განცხადებით, ორ შემთხვევასთან დაკავშირებით მიმდინარეობს ეპიდკვლევა და კონტაქტების მოძიება.
29 აგვისტოდან დღემდე, რუსთავში კორონავირუსით ინფიცირების სულ 49 დადასტურებული შემთხვევაა დაფიქსირებული.