საჰაერო ტრანსპორტის საერთაშორისო ასოციაცია ინიციატივით გამოდის, აეროპორტში ყველა მგზავრს კორონავირუსზე ტესტი ჩაუტარდეს

საჰაერო ტრანსპორტის საერთაშორისო ასოციაცია (IATA) ინიციატივით გამოდის, რომ მგზავრებისთვის სავალდებულო კარანტინის ზომა გამგზავრებამდე აეროპორტებში კორონავირუსზე საყოველთაო ტესტის ჩატარებით ჩანაცვლდეს.

„ჩვენ ვთავაზობთ ალტერნატიულ ზომას, რომელიც ჩაანაცვლებს კარანტინს და რაც გულისხმობს ჩასხდომამდე ყველა მგზავრისთვის ტესტის ჩატარებას“, - განაცხადა ასოციაციის ხელმძღვანელობამ ონლაინ პრესკონფერენციაზე.

მათივე განმარტებით, გაფრენამდე ყველა მგზავრის სისტემური შემოწმება იქნება გარანტია იმისა, რომ მგზავრობა ხდება იმ ადამიანებთან, ერთად ვინც ინფიცირებული არ არის, ხოლო დაინფიცირების რისკი შემცირდება.

ორგანიზაცია შემოწმების საშუალებად ანტიგენზე დამყარებულ სწრაფ ტესტს ასახელებს, რომლის დროსაც ცხვირ-ხახის ნაცხის აღება ხდება და 15 წუთში მზად არის პასუხი, თუმცა მისი სიზუსტის ხარისხი შედარებით დაბალია.

საერთაშორისო ასოციაციის დირექტორი მიიჩნევს, რომ ვირუსის გადაცემის რისკების მინიმუმამდე დაყვანისთვის ეს მეთოდიც საკმარისია.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით