თეონა აქუბარდია - სამართალდამცავებს მივმართავ, დროულად გამოიძიონ "სტრატეგია აღმაშენებელზე" განხორციელებული ძალადობის ფაქტები, როგორც ჩანს, ვიღაცას ჩვენი მზარდი რეიტინგი აღიზიანებს

"სტრატეგია აღმაშენებლის" სპიკერი თეონა აქუბარდია სამართალდამცავებს მიმართავს, დროულად გამოიძიონ პარტიაზე განხორციელებული გახშირებული ვანდალიზმის ფაქტები.

როგორც "ინტერპრესნიუსს" პარტიიდან აცნობეს, თეონა აქუბარდია არ გამორიცხავს, რომ ეს განპირობებული იყოს "სტრატეგია აღმაშენებლის" მზარდი რეიტინგით, რამაც მოქმედი მთავრობა გააღიზიანა და სპეციალური ჯგუფების გამოყენებით ახდენენ მათი სარეკლამო მასალების დაზიანებას.

„უშაკოვის ქუჩაზე დააზიანეს „სტრატეგია აღმაშენებლის" ბანერი. ნაცვლად იმისა, რომ მერიის სამსახური კანონით დადგენილი წესით ახორციელებდნენ თავიანთ უფლებამოსილებას და ახდენდნენ ასეთი ქმედებების ჩამდენი პირების დაჯარიმებასა და გამოვლენას, ისინი აჯარიმებენ ჩვენი პარტიის მხარდამჭერებს. ამ ფონზე უმოქმედოდ არის პოლიციაც, იმის ნაცვლად რომ იძიებდეს ანალოგიურ დანაშაულებებს. ჩვენ რამდენჯერმე მივმართეთ პოლიციას ვანდალიზმის ფაქტებზე, ჯერჯერობით არც ერთი საქმე არ არის გამოძიებული. შესაბამისად, ეს არის კიდევ ერთხელ ჩვენი პარტიის წინააღმდეგ მიტანილი იერიში. როგორც ჩანს, მათ აღელვებთ ჩვენი მზარდი რეიტინგი და ეს იერიშებიც სწორედ ამით არის განპირობებული. ჩვენ კიდევ ერთხელ მივმართავთ, როგორც მერიის შესაბამის სამსახურებს, ასევე პოლიციას თავისი კანონის ფარგლებში იმოქმედონ და ყველა კანონის დამრღვევი პირი, რომელიც ასეთ ქმედებებს ახორციელებს, მათ წინააღმდეგ იყოს შესაბამისი კანონით გათვალისწინებული ღონისძიებები მიმართული. პოლიციას მივმართავთ, რომ დაუყოვნებლივ დაიწყონ გამოძიება ასეთ ფაქტებზე. ეს კიდევ ერთხელ არის იმის მანიშნებელი, რომ სამწუხაროდ „სტრატეგია აღმაშენებელთან" დაკავშირებით როგორც ჩანს, გაღიზიანებულია კონკრეტული ჯგუფი, რომელიც ჩვენს პლაკატებს მიზანმიმართულად უკვე არაერთგზის აზიანებს და ამით ცდილობს, რომ დაგვიპირისპირდეს. ამის მიუხედავად რა თქმა უნდა, ჩვენ ჩვენს საქმიანობას ვაგრძელებთ და მოვითხოვთ, რომ კანონის სიმართლით დაისაჯოს ყველა ის ადამიანები, რომლებიც ასეთ ქმედებებს ახორციელებენ და არღვევენ კანონს", - აცხადებს თეონა აქუბარდია.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება