,,ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ნარაზენსა და შამადელაში მოსახლეობას შეხვდა. ამის შესახებ ინფორმაციას „ქართული ოცნების“ პრესსამსახური ავრცელებს.

მათივე ინფორმაციით, ირაკლი ჩიქოვანის შეხვედრები მოსახლეობასთან დღეიდან განსაკუთრებული რეჟიმით ჩატარება - ყველა შეხვედრაზე ამომრჩეველი უზრუნველყოფილი იქნება პირბადით, რათა მაქსიმალურად მოხდეს პანდემიისგან დაცვა.

,,ნარაზენი ერთ-ერთი ულამაზესი და ინფრასტრუქტურულად მოწესრიგებული სოფელია ზუგდიდის მუნიციპალიტეტში. ბოლო რამდენიმე წლის განმავლობაში აქ ძალიან მნიშვნელოვანი პროექტებია განხორციელებული. ვასრულებთ ნარაზენი-შამადელას დამაკავშირებელ გზას, ასევე, დავიწყებთ საგრგრიგოლიოს გზის რეაბილიტაციას. ამავე სოფელში ფონდმა „ქართუმ" ხარების სამონასტრო კომპლექსი ააშენა, რომელიც ახალ ხიბლს სძენს ამ ულამაზეს სოფელს“ , - განაცხადა ირაკლი ჩიქოვანმა.

მათივე ინფორმციით, ნარაზენის შემდეგ ირაკლი ჩიქოვანი მოსახლეობას შამადელაში შეხვდა.

„წლების განმავლობაში სოფელს უგზოობის პრობლემა ჰქონდა, თუმცა გზის პროექტი უკვე დასრულების ბოლო ეტაპზეა," - ნათქვამია ინფორმაციაში.