Reuters/Ipsos-ის ბოლო გამოკითხვის თანახმად, პრეზიდენტობის „დემოკრატ“ კანდიდატ ჯო ბაიდენს მიჩიგანის შტატში პოტენციური ამომრჩევლების 49% უჭერს მხარს, დონალდ ტრამპს კი - 44%. გარდა ამისა, შტატში გამოკითხული პოტენციური ამომრჩევლების 50% მიიჩნევს, რომ კორონავირუსს ჯო ბაიდენი უკეთ გაუმკლავდება, 44% - კი ფიქრობს, რომ პანდემიასთან ბრძოლაში დონალდ ტრამპი ჯო ბაიდენს აჯობებს.
რაც შეეხება ჩრდილოეთ კაროლინას, იქ როგორც ჯო ბაიდენს, ასევე დონალდ ტრამპს გამოკითხულთა 47-47% უჭერს მხარს. გარდა ამისა, 47% აცხადებს, რომ კორონავირუსს ჯო ბაიდენი უკეთ გაუმკლავდება, 45%-ს კი მიაჩნია, რომ პანდემიას დონალდ ტრამპი უკეთესად შეებრძოლება.
Reuters/Ipsos-ი პოტენციური ამომრჩევლების ონლაინ გამოკითხვას 6 შტატში: ვისკონსინში, პენსილვანიაში, მიჩიგანში, ჩრდილოეთ კაროლიკაში, ფლორიდასა და არიზონაში ატარებს. გამოკითხვის შედეგების თანახმად, ვისკონსინისა და პენსილვანიის შტატებში ჯო ბაიდენს უფრო მეტი პოტენციური ამორჩეველი უჭერს მხარს, ვიდრე დონალდ ტრამპს. ფლორიდასა და არიზონაში ჩატარებული გამოკითხვების შედეგები მოგვიანებით გახდება ცნობილი.