ზუგდიდში კორონავირუსის 14 ახალი შემთხვევა დადასტურდა, აქედან სამი მერიის თანამშრომელია. ამის შესახებ მუნიციპალიტეტის მერმა გიორგი შენგელიამ განაცხადა. მისივე თქმით, მიმდინარეობს კონტაქტების ძიება.

"დღეს ზუგდიდის მუნიციპალიტეტში დადასტურდა 14 ახალი შემთხვევა. აქედან სამი შემთხვევა არის მერიის თანამშრომელი. ჩვენ მერიაში აქამდეც ვიყავით დისტანციურ რეჟიმზე და მხოლოდ 30% დატვირთვით ვმუშაობდით. შესაბამისად, ამ თანამშრომლების სხვა თანამშრომლებთან კონტაქტი არის მინიმალური. თუმცა ჩვენ ვატარებთ ყველა საჭირო ღონისძიებას, რათა მოხდეს მაქსიმალურად გამოვლენა ყველა შესაძლო შემთხვევის. უტარდებათ თანამშრომლებს ტესტირება, ასევე მიმდინარეობს ადმინისტრაციული შენობის დეზინფექცია",- განაცხადა გიორგი შენგელიამ.