ბორჯომში, აგრარული ბაზრის მიმდებარე ტერიტორია მოასფალტდება.როგორც „ინტერპრესნიუსს“ ბორჯომის მუნიციპალიტეტის მერიიდან აცნობეს, პროექტის მიხედვით, 2987 კვადრატულ მეტრზე ასფალტის საფარი მოეწყობა.

მათივე ცნობით, გზის აღნიშნული მონაკვეთის მოასფალტებამდე, აგრარული ბაზრის მიმდებარედ არსებული სანიაღვრე სისტემა მოწესრიგდება.

მიმდინარე სამუშაოებს, ბორჯომის მერის მოვალეობის შემსრულებელი დავით ზაალიშვილი და მერის წარმომადგენელი ბორჯომში ნანა ჭელიძე გაეცნენ.