მიხეილ რამიშვილის განცხადებით, მტკიცებულების სახით მისი მობილური ტელეფონის ამოღების შესახებ განჩინების გასაჩივრების საშუალება არ მისცეს

გარდაცვლილი პროგრამისტის თამარ ბაჩალიაშვილის ოჯახის ადვოკატის, მიხეილ რამიშვილის განცხადებით, მტკიცებულების სახით მისი მობილური ტელეფონის ამოღების შესახებ განჩინების გასაჩივრების საშუალება არ მისცეს.

როგორც რამიშვილმა თბილისის საქალაქო სასამართლოში დაკითხვაზე შესვლამდე ჟურნალისტებთან განაცხადა, ადვოკატისთვის მობილური ტელეფონის ჩამორთმევა უპრეცედენტოა.

„ჩემი მობილური ტელეფონიდან გამოთხოვილი იქნა ინფორმაცია, ამ განჩინების გასაჩივრების უფლება 48 საათში მქონდა. განჩინება პროკურატურამ არ გადმომცა, სასამართლოში მოვედი, განჩინება მოვითხოვე, სადაც მითხრეს, განცხადება დაწერე და მეორე დღეს მოგცემთ განჩინებასო. სააპელაციო სასამართლოში გასაჩივრების ვადა მეწურება. ამ პრეცედენტს, რომელიც განხორციელდა და რომლის მიხედვითაც დაირღვა ევროპის კონვენცია, სტრასბურგში ვერ გავასაჩივრებ. ეს სპეციალურად კარგად მოფიქრებულია, დროს არ გვაძლევენ, მაგრამ ამის მიუხედავად იმ უკანონობას მაინც გავასაჩივრებ. ასეთი პრეცედენტი საქართველოში არ ყოფილა, რომ ამდაგვარი შუამდგომლობა მოსამართლეს დაეკმაყოფილებინა.

აბსოლუტურად ყველა ჩემ პერსონალურ ინფორმაციას შეეხნენ, ბატონ დავით ფურცხვანიძისგან მხოლოდ 6 ფოტოსურათი მქონდა მიღებული და მხოლოდ მიმოწერა მქონდა. ინფორმაცია არის ინფორმაცია, შუამდგომლობით მივიტანე?ერთად გავარკვევთ ამას დაკითხვის დროს, მტკიცებულება იყო თუ ინფორმაცია", - განაცხადა რამიშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით