თინა ბოკუჩავა - ერთიანი სიის ფორმირების შეთავაზება ერთი პოლიტიკური ძალის ძალისხმევით არ შედგა

მიხეილ სააკაშვილის შეთავაზება იყო ერთიანი ოპოზიციური სია, სადაც შევიდოდა ოპოზიციის ყველა წარმომადგენელი და შეიქმნებოდა ერთიანი ფრონტის ხაზი ბიძინა ივანიშვილის რეჟიმის წინააღმდეგ, - ამის შესახებ „ერთიანი ნაციონალური მოძრაობის“ წარმომადგენელმა თინა ბოკუჩავამ ბრიფინგზე განაცხადა, რითაც გამოეხმაურა გავრცელებულ ინფორმაციას, რომლის თანახმადაც, "ნაციონალურმა მოძრაობამ" "ევროპულ საქართველოს" პრემიერად მიხეილ სააკაშვილის მხარდაჭერის სანაცვლოდ პარლამენტის თავმჯდომარედ დავით ბაქრაძის არჩევა შესთავაზა.

თინა ბოკუჩავა აღნიშნულ ინფორმაციას არ ადასტურებს და „ევროპულ საქართველოსთან“ თანამდებობების გადანაწილების საკითხზე მოლაპარაკებას უარყოფს.

„გუშინდელ ეთერში გუბაზ სანიკიძემ ისაუბრა კონკრეტულ შეთავაზებებზე, რომელსაც მე ვერ დაგიდასტურებთ. ჩემთვის ცნობილი არის ის მარტივი ჭეშმარიტება, რომელზეც მიხეილ სააკაშვილი, მათ შორის, საჯაროდ საუბრობდა და მდგომარეობს შემდეგში, რომ მიხეილ სააკაშვილის შეთავაზება იყო ერთიანი ოპოზიციური სია, სადაც შევიდოდა ყველა ოპოზიციის წარმომადგენელი და შეიქმნებოდა ერთიანი ფრონტის ხაზი ბიძინა ივანიშვილის რეჟიმის წინააღმდეგ ამ საარჩევნო პროცესში. სამწუხაროდ, აღნიშნული შეთავაზება ძირითადად ერთი პოლიტიკური ძალის ძალისხმევით არ შედგა. შესაბამისად, ჩვენ, „ერთიანი ნაციონალური მოძრაობა“ სხვა პარტიებთან ბლოკის შექმნით გავალთ ამ არჩევნებზე, თუმცა, რა თქმა უნდა, ვრჩებით ღია თანამშრომლობისთვის ყველა ოპოზიციურ და ბიძინა ივანიშვილის მოწინააღმდეგე პარტიასთან მას შემდეგ, რაც არჩევნების შედეგები დაითვლება“, - განაცხადა ბოკუჩავამ.

შეგახსენებთ, გავრცელებული ინფორმაციით, "ნაციონალურმა მოძრაობამ" "ევროპულ საქართველოს" არჩევნებზე ერთიანი სიის ფორმირება შესთავაზა. ასევე, არსებული ცნობით, მოლაპარაკებების დროს საუბარი იყო თანამდებობის გადანაწილებაზე, კერძოდ, პრემიერის პოსტზე მხარდაჭერა მიხეილ სააკაშვილს უნდა მიეღო, "ნაციონალური მოძრაობა" კი თავის მხრივ "ევროპული საქართველოს" ლიდერ დავით ბაქრაძეს მხარს პარლამენტის თავმჯდომარის პოსტზე დაუჭერდა.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული