სავაჭრო პალატამ ევროკავშირის დაფინანსებულ პროექტში - „ევროკავშირი ბიზნესისთვის- კომპანიების დაკავშირება“  გაიმარჯვა

საქართველოს სავაჭრო პალატამ ევროკავშირის დაფინანსებით გამოცხადებულ პროექტში- „ევროკავშირი ბიზნესისთვის-კომპანიების დაკავშირება“ გაიმარჯვა.

როგორც „ინტერპრესნიუსს“ სავაჭრო პალატიდან აცნობეს, პროექტი მთელი საქართველოს მასშტაბით 20 თვის განმავლობაში გაგრძელდება.

,,პროექტი ორი ეტაპისგან შედგება - პირველ ეტაპზე ხუთი სექტორული კონსორციუმი შეირჩა. ხოლო, მეორე ეტაპზე, გამარჯვებული კონსორციუმები შეარჩევენ პროექტის საბოლოო ბენეფიციარებს, რომლებიც თითოეულ სექტორში განახორციელებენ 12 აქტივობას. საქართველოს სავაჭრო პალატა გახდა შემოქმედებითი ინდუსტრიის მმართველი კონსორციუმის წევრი ვილნიუსის, ესტონეთისა და სომხეთის პალატებთან ერთად. აღმოსავლეთ ევროპის ქვეყნებში, მათ შორის საქართველოში, შემოქმედებით ინდუსტრიაში მოღვაწე კომპანიებს, რომლებიც ყველაზე მეტად დაზარალდნენ COVID-19-ის პანდემიის შედეგად, პროექტის მეშვეობით შესაძლებლობა ეძლევათ მოიზიდონ ინვესტიციები, დაამყარონ საქმიანი კავშირები და განავითარონ საკუთარი ბიზნესი”,- აცხადებს სავაჭრო პალატის პრეზიდენტი, გიორგი პერტაია.

მისივე თქმით, აღნიშნული პროექტი ხელს შეუწყობს მდგრად ეკონომიკურ განვითარებასა და დამატებითი სამუშაო ადგილების შექმნას, აღმოსავლეთ ევროპის პარტნიორობის ქვეყნებში მცირე და საშუალო ბიზნესის მხარდაჭერის, ინვესტიციების მოზიდვისა და კომპანიებს შორის ბიზნეს კავშირების დამყარებას.

პროექტი, „ევროკავშირი ბიზნესისთვის“ (EU4Business) ინიციატივის ფარგლებში განხორციელდება და მისი საერთო ღირებულება 6 500 000 ევროა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა