თამარ გაბუნია - აჭარაში ბინაზე 100-მდე კოვიდინფიცირებული მკურნალობს

აჭარაში კორონავირუსის შემთხვევები გაიზარდა, მაგრამ სიტუაცია კონტროლირებადია, - ამის შესახებ საქართველოს ჯანდაცვის მინისტრის მოადგილე თამარ გაბუნიამ ბათუმში განაცხადა.

როგორც მან ბრიფინგზე აღნიშნა, ქვეყანაში კორონავირუსის შემთხვევების უდიდესი ნაწილი ბათუმზე მოდის.

„შემთხვევების უდიდესი ნაწილი მოდის ბათუმზე, რაც ნიშნავს, რომ ეპიდემია გარკვეულწილად არის ლოკალიზებული და ლოკალიზებულის მართვა გაცილებით ადვილია. ბათუმში არის ბევრი შემთხვევა, მაგრამ ადგილი არ აქვს გეომეტრიული პროგრესიით ზრდას, რაც კეთილსაიმედო სიმპტომია. მთავარი აქცენტი გადატანილია კლინიკების მართვაზე, მსუბუქი სიმპტომების პაციენტები კი ძირითადად მოთავსდებიან კოვიდსასტუმროებში. პარალელურად, აჭარიდან დაიწყო ბინაზე მკურნალობის პროცესი და ამჟამად, რეგიონში 100-მდე კოვიდინფიცირებული მკურნალობს ბინაზე“, – აღნიშნა გაბუნიამ

თამარ გაბუნიას განცხადებით, საქართველოში ამ დროისათვის ნახევარი მილიონი ტესტი არის შემოტანილი. მისივე განმარტებით, დამატებით ტესტების შემოტანა იგეგმება.

„ტესტების დიდი რაოდენობის გამოყენებას ზაფხულში ჰქონდა გამართლება, იმიტომ, რომ საკურორტო სეზონის პერიოდში უნდა სცოდნოდა ყველა ტურისტს, როგორ ტოვებდა აჭარას და ამ მასობრივი ტესტირების შედეგი სახეზეა, ძირითადი შემთხვევები დარჩა აჭარაში“, – ამბობს თამარ გაბუნია.

საქართველოს ჯანდაცვის მინისტრის მოადგილის განცხადებით, სასწავლო პროცესი განახლება ეპიდემიოლოგიურ სიტუაციაზე არის დამოკიდებული.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება