აჭარაში ეპიდემიოლოგიური სიტუაცია კონტროლორებადია და ყველაფერი პროტოკოლის გათვალისწინებით მიმდინარეობს,- ეს განცხადება აჭარის ჯანდაცვის მინისტრმა ნინო ნიჟარაძემ ბრიფინგზე განაცხადა.
მისი ინფორმაციით, აჭარაში ამ დროისათვის 600 საწოლია მობილიზებული და ავადმყოფების დიფერენცია და მათი მდგომარეობა ფასდება.
"აჭარაში ეპიდსიტუაცია არის რთული. შემთხვევების მატებას იგივე რაოდენობით, მომდევნო დღეებში, ისევ ველოდებით. რამდენიმე დღის შემდეგ კი კლებას, ამ ყველაფერში კი მოსახლეობაც უნდა დაგვიდგეს გვერდით და დაიცვას რეკომენდაციები", - აცხადებს ნინო ნიჟარაძე.
ცნობისთვის, დღეს გამოვლენილი კორონავირუსის 227 შემთხვევიდან 165 აჭარაში დადასტურდა.