18-23 სექტემბერს მიზნობრივი ტესტირება შემოსავლების სამსახურის 596 თანამშრომელს ჩაუტარდა, კორონავირუსი ერთ პირს დაუდასტურდა

COVID-19-ის რისკ ჯგუფების მიზნობრივი ტესტირების ფარგლებში, ჯანდაცვის სამინისტროს დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ დადგენილი წესისა და პერიოდულობის გათვალისწინებით, 18-23 სექტემბერს, მებაჟე ოფიცრებსა და თანამშრომელებს (გაფორმების ეკონომიკური ზონა „აეროპორტი“, გაფორმების ეკონომიკურ ზონა „თბილისი 2“, საბაჟო გამშვები პუნქტი „გარდაბანი“, საბაჟო გამშვები პუნქტი „ნინოწმინდა“, საბაჟო გამშვები პუნქტი „ყაზბეგი“, საბაჟო გამშვები პუნქტი „კარწახი“, საერთო ჯამში 596 პირს) გამოკვლევა ჩაუტარდა. ამის შესახებ ინფორმაციას ფინანსთა სამინისტროს შემოსავლების სამსახური ავრცელებს.

მათივე ინფორმაციით, გამოკვლეული პირებიდან კორონავირუსით ინფიცირება საბაჟო გამშვები პუნქტის „სარფი“ ერთ თანამშრომელს დაუდასტურდა, რომელიც თვითიზოლაციაში იმყოფებოდა. ინფიცირებული თანამშრომელი მკურნალობას ქალაქ ბათუმის საერთაშორისო საუნივერსიტეტო ჰოსპიტალში განაგრძობს. ამ ეტაპზე, მისი ჯანმრთელობის მდგომარეობა დამაკმაყოფილებელია.

,,აგრეთვე, საქართველოს ტერიტორიაზე შემოსვლისას, საბაჟო დეპარტამენტის ექიმი ეპიდემიოლოგების მიერ მიზნობრივ ტესტირებას ანტიგენსა და ანტისხეულზე ექვემდებარებიან საერთაშორისო სატვირთო გადაზიდვების განმახორციელებელი ავტოსატრანსპორტო საშუალებების მძღოლები (როგორც საქართველოს მოქალაქეობის მქონე, ასევე უცხო ქვეყნის მოქალაქე პირები). აღნიშნული პროცედურა ხორციელდება საბაჟო გამშვებ პუნქტებზე, გაფორმების ეკონომიკურ ზონებში, საზღვაო ნავსადგურებსა და საბაჟო კონტროლის ზონებში განთავსებულ სპეციალურ სამედიცინო პუნქტებში, რომლებიც აღჭურვილია ტესტირებისთვის აუცილებელი ინვენტარით.

ზემოაღნიშნული პერიოდის განმავლობაში, მიზნობრივი ტესტირება ჩაუტარდა 3 945 სატვირთო ტრანსპორტის მძღოლს. დაავადებათა კონტროლისა და საზოგადოებრივი ჯანმრთელობის ეროვნულ ცენტრთან კოორდინირებით, შემოსავლების სამსახურის საბაჟო გამშვებ პუნქტებსა და გაფორმების ეკონომიკურ ზონებში კორონავირუსზე ტესტირების პროცესი კვლავ გაგრძელდება,“ - ნათქვამია ინფორმაციაში.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული