საქართველოში კორონავირუსის 259 ახალი შემთხვევიდან 164 აჭარაში დაფიქსირდა. აჭარის ჯანდაცვის სამინისტროს ინფორმაციით, ლაბორატორიული კვლევა 4000-მდე პირს ჩაუტარდა.
ბათუმის კოვიდკლინიკებში 497, ხოლო კოვიდ კარანტინში 694 პაციენტი მკურნალობს.
უწყების ინფორმაციით, 47 არასრულწლოვანი და 14 ფეხმძიმე კოვიდკარანტინში არიან გადაყვანილი, სადაც ექიმების მეთვალყურეობის ქვეშ იმყოფებიან.
აჭარაში კორონავირუსისგან გამოჯანმრთელდა 9 პაციენტი, ხოლო საკარანტინო სივრციდან ბინაზე 38 პაციენტი გაეწერა.