ქუთაისში არაფხიზელ მდგომარეობაში მყოფი მამაკაცი ავტოქარხნის დასახლებაში სუპერმარკეტში შეიჭრა. ის ცივი იარაღის მუქარით თანხას და სიგარეტს ითხოვდა. შემთხვევის დროს მარკეტში ორი თანამშრომელი იყო, მათ დაცვის კომპანია „ალგანი“ გამოიძახეს. მამაკაცმა გაქცევა მოახერხა, თუმცა ის მალევე დაკავეს.

ადგილობრივების თქმით, მამაკაცი ციხიდან რამდენიმე დღის წინ გამოვიდა. მომხდარზე დაწყებულია გამოძიება.