ხელვაჩაურის რაიონულ სასამართლოში კორონავირუსი 5 თანამშრომელს დაუდასტურდა. როგორც სასამართლოს მენეჯერმა ნონა დუმბაძემ „ინტერპრესნიუსთან" საუბრისას განაცხადა, ინფიცირებულთა შორის კანცელარიის თანამშრომლები და სხდომის მდივნები არიან.
მისი თქმით, სასამართლო დისტანციურ რეჟიმში მუშაობს.
„ჩვენს სასამართლოში 5 თანამშრომელი დაინფიცირდა, მათ შორის მოსამართლეები არ არიან. ყველა ზომა მიღებულია და სასამართლო დისტაციურ რეჟიმში მუშაობს.
ნაწილი გადაყვანილია კარანტინში, ნაწილი კი თვითიზოლაციაში იმყოფება“, - აცხადებს ნონა დუმბაძე.