ფოთის ჰოსპიტალში კორონავირუსით ინფიცირებული 23 პაციენტია მოთავსებული. ჰოსპიტალის დირექტორის თეა მიგინეიშვილის ინფორმაციით, მათი მდგომარეობა საშუალო სიმძიმისაა და შესაბამისი მკურნალობა უტარდებათ. მისივე თქმით, პაციენტთა უმრავლესობა აჭარიდანაა.
„გუშინ გვყავდა 36 კოვიდ პაციენტი, აქედან მსუბუქი სიმპტომების მქონე 13 პირი გადავიყვანეთ ანაკლიის საკარანტინე სივრცეში, შემდგომი მკურნალობისთვის. დაგვრჩა 23 პაციენტი, მათი მდგომარეობა მსუბუქი, საშუალო სიმძიმისაა, აღენიშნებათ პნევმონია. მდგომარეობა სტაბილურია. უტარდებათ შესაბამისი მკურნალობა“ , - განაცხადა თეა მიგინეიშვილმა.