გორის მერიამ USAID-ის ზრდა პროექტის მიერ გამოცხადებულ საგრანტო კონკურსში გრანტი მოიპოვა

გორის მერიამ USAID-ის ზრდა პროექტის მიერ გამოცხადებულ საგრანტო კონკურსში გრანტი მოიპოვა, რომლის მიზანიც მუზეუმების განვითარება იყო.

გორის მერიის ინფორმაციით, საგრანტო ბიუჯეტი ჯამში 62 056 ლარს შეადგენს. თვითმმართველობის თანადაფინანსების წილი კი 9 440 ლარით განისაზღვრა.

აღნიშნული ფინანსური რესურსი გორის მუნიციპალიტეტის ტერიტორიაზე არსებული ორი მუზეუმის - სერგი მაკალათიას სახელობის ისტორიულ - ეთნოგრაფიული მუზეუმისა და ნიკო ლომოურის სახელობის მემორიალური მუზეუმის განვითარებას მოხმარდება.

გრანტის ფარგლებში, ორივე კულტურული ობიექტი აღიჭურვება საჭირო ნივთებით, რაც ხელს შეუწყობს მათი მომსახურეობის გაუმჯობესებას.

„ეს არაა პირველი გრანტი, რომელიც გორის მუნიციპალიტეტმა USAID-ის ზრდა პროექტის მხარდაჭერით მოიპოვა. აღნიშნული ორგანიზაციის დახმარებით ქვეშში რეაბილიტირდა საბავშვო ბაღის შენობა, ციცაგიაანთკარში კი მიმდინარეობს სასმელი წყლის სისტემის მოწყობა. კიდევ ერთხელ დიდ მადლობა USAID-ის ზრდა პროექტს ასეთი მხარდაჭერისთვის და ახალი შესაძლებლობებისთვის“,-აცხადებს გორის მერი, კონსტანტინე თავზარაშვილი.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით