მედეა მეტრეველი - პარტიული ერთგულება გამოიხატება იმით, რომ გოგა ხაინდრავას ფილმს „სიმართლე აფხაზეთზე“ 200 ათას 300 ლარით „ასაჩუქრებენ“

“ლელოს” ერთ-ერთი ლიდერი მედეა მეტრეველი აფხაზეთის მთავრობის გადაწყვეტილებას ეხმაურება, რომლის თანახმადაც რეჟისორ გოგა ხაინდრავას კომპანიას "ღვინო და კინო" ფილმის "სიმართლე აფხაზეთზე" გადაღებისთვის აფხაზეთის მთავრობა 200 ათას 300 ლარს გადაუხდის.

მეტრეველის თქმით, მაშინ, როდესაც კულტურის სფერო კოლაფსის წინაშეა და ხელისუფლების მხრიდან არც კი მომხდარა დარგებისთვის მიყენებული ზარალის მასშტაბების ადეკვატური შეფასება, სისტემა გულუხვობას არ იშურებს პარტიული ერთგულებისთვის.

“პარტიული ერთგულება გამოიხატება იმით, რომ გოგა ხაინდრავას ფილმს „სიმართლე აფხაზეთზე“ 200 ათას 300 ლარით „ასაჩუქრებს“. აფხაზეთის მთავრობის პასუხი ჩვენი საზოგადოების და განსაკუთრებით დევნილი მოსახლეობის მიმართ „მოთმინებასთან“ და „ქამრების შემოჭერასთან“ დაკავშირებით, რბილად რომ ვთქვათ, უხერხული და არაადეკვატურია ქვეყანაში შექმნილი უმძიმესი სოციალური ფონის გათვალისწინებით. იმედს ვიტოვებთ, შესყიდვების სააგენტოს ეყოფა გონიერება და გამარტივებული შესყიდვის თაობაზე აღნიშნული თხოვნის დაკმაყოფილებას (SMP200003881) უარს ეტყვის აფხაზეთის ავტონომიური რესპუბლიკის განათლებისა და მეცნიერების სამინისტროს. ნუ გავიწყდებათ, რომ შემოსავლის გარეშეა დარჩენილი სახელოვნებო სფეროში დასაქმებული ათასობით ადამიანი და მათ წინაშე არსებული უმძიმესი ეკონომიკური პრობლემები კვლავინდებულად უხილავია თქვენთვის, სისტემის მაღალჩინოსნებისთვის, რომლებიც თანამედროვე ქართული კულტურის მიმართ უკანასკნელი წლებია რეპრესიულ პოლიტიკას აწარმოებთ. თავისუფალი ხელოვანების მიმართ ასეთი დამოკიდებულება გასაკვირი არ არის ხელისუფლებისგან, რომელიც მიზანმიმართულად ებრძვის და ასუსტებს ყოველივეს, რაც სისტემის კონტორილის მიღმაა, რაც თავისუფალი და წარმატებულია. თანამედროვე ქართულ კულტურას, რომლითაც თქვენ ასე ამაყობთ მთავრობაში, ადამიანები ქმნიან... ცოცხალი ადამიანები და თქვენი ვალდებულებაა მათ დახმარება”, - აცხადებს მედეა მეტრეველი.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე