ბორჯომის მუნიციპალიტეტის მერია, კორონავირუსის პანდემიის პრევენციის მიზნით, ქალაქის მასშტაბით სადეზინფექციო სამუშაოებს აგრძელებს.
როგორც „ინტერპრესნიუსს“ ბორჯომის მუნიციპალიტეტის მერიიდან აცნობეს, მერიის დასუფთავების სამსახურის მიერ დეზინფექცია ჩაუტარდა სკვერებს, ნაგავშემკრებ კონტეინერებს, სპორტულ მოედნებს, ავტობუსის მოსაცდელებსა და იუსტიციის სახლის მიმდებარე ტერიტორიას.
„შეგახსენებთ, რომ ბორჯომის მუნიციპალიტეტის მერიის დასუფთავების სამსახური, ბორჯომსა და დაბა ბაკურიანში სადეზინფექციო სამუშაოებს ყოველკვირეულ რეჟიმში ატარებს. სპეციალური ხსნარებით ირეცხება საავტომობილო გზები, საფეხმავლო ბილიკები,ასევე ბანკების, სასურსათო მარკეტების, ბენზინგასამართი სადგურებისა და სამედიცინო დაწესებულების მიმდებარე ტერიტორიები. დეზინფექცია უტარდება, მრავალბინიან საცხოვრებელ სახლებსა და მათ გარე სივრცეებს“,- ნათქვამია ინფორმაციაში.