ბათუმში 8 კოვიდკლინიკაში 486 პაციენტი მკურნალობს, ხოლო კოვიდ კარანტინში 812 პაციენტი იმყოფება.

აჭარის ჯანდაცვის სამინისტროს ინფორმაციით, კორონავირუსზე ლაბორატორიული კვლევა გასული 24 საათის განმავლობაში 3500-მდე პირს ჩაუტარდა და 168 ახალი შემთხვევა გამოვლინდა.

უწყების ცნობით, სტაციონარში ინფიცირებული 48 ბავშვია მოთავსებული, ხოლო ბათუმის სამშობიარო სახლში კორონავირუსით ინფიცირებული 16 ფეხმძიმე იმყოფება.

აჭარის ჯანდაცვის სამინისტროს ცნობით, კორონავირუსით ინფიცირებული 300 პირი ბინაზე მკურნალობს, ხოლო კოვიდ სასტუმროდან 39 პირი გაეწერა.