ბათუმის რესპუბლიკურ საავადმყოფოში კორონავირუსით ინფიცირებული 145 პაციენტიდან 17 რეანიმაციულ განყოფილებაშია მოთავსებული.

როგორც კლინიკის ექიმმა გია კიკაბიძემ "ინტერპრესნიუსს" განუცხადა, ოთხი პაციენტის ჯანმრთელობის მდგომარეობა კრიტიკულად მძიმეა.

ექიმის თქმით, კლინიკაში მოთავსებულ 135 პაციენტს სხვადასხვა ხარისხის პნევმონია აღენიშნება.

„17 პაციენტი, რეანიმაციულ განყოფილებაში იმყოფება, ოთხი მათგანის მდგომარეობა უკიდურესად მძიმეა, 5 პაციენტს კი მუდმივ რეჟიმში ჟანგბადი მიეწოდება. განყოფილებაში 135 პაციენტს კი სხვადასხვა ხარისხის პნევმონია აღენიშნება. რაც შეეხება კოვიდ კარანტინში გადასაყვან პაციენტებს, მათ სამედიცინო შემოწმება უტარდება, ჯერ არ ვიცით, რამდენს გადავიყვანთ",- აცხადებს გია კიკაბიძე.