სტუდენტური ომბუდსმენის წევრებმა განათლების სამინისტროსთან აქცია გამართეს და უმაღლეს სასწავლებლებში სწავლის ონლაინ რეჟიმში გაგრძელება გააპროტესტეს

სტუდენტური ომბუდსმენის წევრებმა განათლების სამინისტროსთან აქცია გამართეს, რითიც უმაღლეს სასწავლებლებში, სწავლის ონლაინ რეჟიმში გაგრძელება გააპროტესტეს.

როგორც აქციის ერთ-ერთმა ორგანიზატორმა, თაკო მეტრეველმა განაცხადა, სტუდენტები 1 ოქტომბერს ჯანდაცვის სამინისტროს მიერ გაცემული ყველა რეკომენდაციის მიხედვით, სწავლის აუდიტორიებში დაწყებას ითხოვენ, წინააღმდეგ შემთხვევაში, როგორც თბილისში, ასევე რეგიონებში ფართომასშტაბიანი აქციები დაიწყება.

"დღეს სტუდენტური ომბუდსმენი განათლების სამინისტროსთან მოვედით და განათლების მინისტრის უპასუხისმგებლო განცხადებას ვაპროტესტებთ, რომელმაც თქვა, რომ 1 ოქტომბრის შემდეგაც სწავლა ონლაინ რეჟიმში გაგრძელდება. მათ 2 კვირის წინ შეხვედრაზე გვითხრეს, რომ 1 ოქტომბრიდან სწავლა ჩვეულ რეჟიმში დაიწყებოდა, რადგან ყველა უნივერსიტეტი მხად იყო ამისთვის. მიუხედავად იმისა, რომ ჩვენ უამრავი კითხვა დავუსვით პანდემიასთან დაკავშირებით, ინფიცირებულთა სტატისტიკის გაზრდასთან დაკავშირებით, მაინც გვითხრეს, რომ 1 ოქტომბერს დაიწყებოდა სწავლა და ყველა სტუდენტმა, მათ შორის, პირველკურსელებმაც იცონდნენ, რომ სწავლა დაიწყებოდა 1 ოქტომბერს და ამის ფონზე გუშინ გამოვიდა განათლების მინისტრი და გააკეთა სრულიად უპასუხისმგებლო განცხადება. სწორედ ამირომ, ჩვენ, სტუდენტები მოვედით განათლების სამინისტროსთან და მივმართავთ მინისტრს, რომ მისი პასუხისმგებლობაა იზრუნოს სტუდენტებზე. ჩვენი მოთხოვნაა აუდიტორიებში სწავლა აღდგეს ყველა რეკომენდაციის დაცვით, რომელიც ჯანდაცვის სამინისტროს აქვს გაცემული, წინააღმდეგ შემთხვევაში, ფართომასშტაბიან აქციებს ვაანონსებთ, როგორც თბილისში, ასევე რეგიონებში",-განაცხადა თაკო მეტრეველმა.

ამ დროისათვის აქციის მონაწილე სტუდენტების წარმომადგენლები განათლების მინისტრის მოადგილესთან შეხვედრაზე იმყოფებიან.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე