ბათუმის რესპუბლიკურ საავადმყოფოში კორონავირუსით ინფიცირებული 141 პაციენტიდან 19 რეანიმაციულ განყოფილებაშია მოთავსებული. როგორც კლინიკის ექიმი გია კიკაბიძე აცხადებს, სამი ინფიცირებულის ჯანმრთელობის მდგომარეობა მძიმეა, ისინი მართვით სუნთქვაზე იმყოფებიან.
"ბათუმის რესპუბლიკურ საავადმყოფოში 13 კოვიდინფიცირებული პაციენტი დაემატა. სულ 141 პაციენტი გვყავს, აქედან 19 პაციენტის მდგომარეობა მძიმეა და რეანიმაციულ განყოფილებაში იმყოფებიან. 3 პაციენტის მდგომარეობა კრიტიკულია და მართვით სუნთქვაზე არიან, 7 პაციენტს კი მაღალი წნევით 24 საათის განმავლობაში ჟანგბადი მიეწოდება. განყოფილებაში მოთავსებულ 115 პაციენტს სხვადასხვა ხარისხის პნევმონია აღენიშნება. დღეისათვის იგეგმება რამდენიმე პაციენტების გაწერა. საკარანტინო ზონაში 12 პაციენტის გადაყვანა იგეგმება, 10 კი კოვიდკარანტინში გადავა",- აცხადებს გია კიკაბიძე.