ბათუმის პოლიკლინიკებში შაბათ-კვირას მოქალაქეებს კორონავირუსზე PCR ტესტი არ ჩაუტარდებათ
ბათუმის პოლიკლინიკებში ამ შაბათ-კვირას მოქალაქეებს კორონავირუსზე PCR ტესტი არ ჩაუტარდებათ.
როგორც აჭარის ჯანდაცვის სამინისტროში "ინტერპრესნიუსს" განუცხადეს, პოლიკლინიკებში უქმე დღეებია და ორშაბათიდან ნიმუშების აღება გაგრძელდება.
უწყების ცნობით, კვლევები გრძელდება რისკ-ჯგუგებში, სტაციონარებსა და ოჯახებში.
"არ ვიცით, მომდევნო შაბათ კვირას თუ განახლდება უფასო კვლევები, პოლიკლინიკებს უქმე დღეები აქვთ და ორშაბათს გააგრძელებენ კვლევებს. შაბათ-კვირას პოლიკლინიკები მხოლოდ კოვიდტესტების აღების მიზნით მუშაობდნენ, წესით მათ შაბათ-კვირას მუშაობა არ ევალებათ. კორონავირუსზე ლაბორატორიულ კვლევებს ბათუმის ხუთი პოლიკლინიკა ახორციელებს. შაბათ-კვირას მოქალაქეებს შეუძლიათ ლაბორატორიული კვლევისთვის "ცხელების ცენტრებს", სტაციონარებს მიმართონ, ასევე ეპიდემიოლოგები რისკ-ჯგუფებს ყოველ დღე იკვლევენ. რისკ-ჯგუფში შედიან მედიკოსები, პოლიციელები და ა.შ",- აცხადებენ უწყებაში.
